oleh

Becik Ketitik Olo Ketoro

-Komunitas-135 views

POSKOTA.CO – Urip nang ndonya pancen akeh babagan kang apik lan olo. Apik iku yo maneko warno bab pangertenane. Ono mergo loma nyah nyoh bab duit iku yo iso diarani apik. Seneng tetulung iku yo apik. Unggah ungguh tepo sliro yo apik. Apik sing temen iku pancen seko krenteging ati dudu digawe gawe opo maneh pamrih iku temtu apik kang ora migunani malah dadi kosok baline.

Apik ing babagan politik opo maneh tansoyo okeh variasine lan tansoyo kompleks. Ing bab urip lan panguripan apik iku yo iso bedo siji lan sijine. Biso wae apik e mau duwe maksud golek balen opo golek bathi. Iso ugo apik koyo uwong topengan. Ora jujur, ora tulus kabeh dilambari duwe pamrih gawe awakke dewe. Apik kang mengkono iso gawe cilakaning liyan.

Amergo kabeh coro biso dianggep bener. Opo maneh apik e mau gawe nopengi bosok e supoyo kepilih, supoyo duwe kuwoso lan iso nguwasani sumber doyo sing ono. Apik sing lamis jan jan ne yo podo wae ngapusi. Apike biso diarani olo lan golek memolo lan rubedo. Nutupi barang bosok ora biso suwe ambune wes kadung tekan ndi ndi. Apek, penguk, mambu sing ora karu kauan pancen ora biso ditopengi maneh.

Paribasan entut ora biso diakok akokne parfum. Urip pancen pilihan arep sik apik opo sing olo ono, benas kari seneng sing endi. Barang olo ben no dipeksoko tetep olo semono ugo kosok balenne. Apik ben no dipitenah diolo olo dikelabui tetep apik. Urip ing dalan apik paribasan emas ben no dilelep lelepne lendut tetep emas. Benno di guwang nang peceren tetep emas.

Kosok baline yen blek utowo seng ben no di ubulne nang kraton opo nang dampar kencono tetep wae blek seng sing karatan. Apik bakal ketitik yen olo ketoro. Olo sakjatine ora ono apike paribasan apik e sak klebatan moto tetep ketoro. Apik iku nuntun bab sing bener lan pener soho migunani. Apik mulai seko njerone ati kanti budi pekerti lukur duwe kesadaran tanggungbjawab lan disiplin. Opo sing diomongake podo opo sing dilakokake jujur ora digawe gawe lan ora ngapusi.(cryshnanda DL)

Komentar

Tinggalkan Balasan

Alamat email Anda tidak akan dipublikasikan. Ruas yang wajib ditandai *